హైదరాబాద్ నవంబర్ 18 (ఈతరం భారతం );సింగరేణి కోల్ మైన్స్ లేబర్ యూనియన్- INTUC సెక్రటరీ గా మరియు సోషల్ మీడియా ఇంచార్జ్ గా మనోజ్ వర్మ కారుకూరి నియమితులైనారు.ఐఎన్టియుసి అనుబంధ సింగరేణి కోల్ మైన్స్ లేబర్ యూనియన్ కేంద్ర కమిటీ సెక్రటరీ గా మరియు సోషల్ మీడియా ఇంచార్జ్ గా శ్రీరాంపూర్ ఏరియాలోని SRP 3& 3A గనిలో జనరల్ మజ్దూర్ గా విధులు నిర్వహిస్తున్న మనోజ్ వర్మ కారుకూరి ను నియమిస్తూ INTUC జాతీయ అధ్యక్షులు జీ. సంజీవరెడ్డి , సెక్రటరీ జనరల్ బి జనక్ ప్రసాద్ ఆదేశాలు జారీ చేశారు. ఈ సందర్భంగా మనోజ్ వర్మ కారుకూరి మాట్లాడుతూ…తనపై నమ్మకంతో యూనియన్ కేంద్ర కమిటీలు బాధ్యతలు అప్పగించారని తనపై ఉంచిన నమ్మకాన్ని వమ్ము చేయకుండా అహర్నిశలు కార్మికుల సమస్యలపై పోరాడుతూ వారి న్యాయమైన హక్కుల సాధనకు కృషి చేస్తూ ఐఎన్టియుసి యూనియన్ బలోపేతానికి తన వంతు కృషి చేస్తానని స్పష్టం చేశారు. తనకు అవకాశం ఇచ్చినందుకు సింగరేణి కోల్ మైన్స్ లేబర్ యూనియన్ అధ్యక్షులు సంజీవరెడ్డి గారికి, సెక్రెటరీ జనరల్ రాష్ట్ర కనీస వేతనాల సలహా మండలి చైర్మన్ బి జనక్ ప్రసాద్ కి ఆయన కృతజ్ఞతలు తెలిపారు.
