నల్గొండ నవంబర్ 18 (ఈతరం భారతం);సామాజికంగా, విద్యాపరంగా వెనుకబడిన తరగతుల వర్గాల స్థితిగతులను పర్శోధించడానికి, ప్రజాభిప్రాయ సేకరణకు నల్గొండ కలెక్టరేట్ల విచ్చేసిన బీ సీ కమిషన్ ఛైర్మెన్ నిరంజన్, సభ్యులు రాపోలు జయప్రకాష్ తదితరులకు సమాచార హక్కు పరిరక్షణ సమితి, ఎలక్షన్ వాచ్ కమిటీ జాతీయ ఛైర్మెన్ డా. బొమ్మర బోయిన కేశవులు పుష్పగుచ్ఛం అందించి స్వాగతం పలికారు. ఈ సందర్భంగా డా.కేశవులు మాట్లాడుతూ రాష్ట్ర ప్రభుత్వం బీ సీ కులగణన చేపట్టడంతో పాటు, వెనకబడిన తరగతుల స్థితిగతులపై అధ్యయనం చేయడం అభినందనీయమన్నారు. బీ సీ లలో చాలా కులాలు వున్నాయని, వాటిలో విద్యా పరంగా, ఉద్యోగాలు, రాజకీయాలలో చాలా వెనకబడి వున్నారని చెప్పారు. స్వాతంత్రం వచ్చి డెబ్బై ఐదు సంవత్సరాలకు పైగా గడిచినా చేతివృత్తులు వెనకబడిన తరగతుల వారు వెనకబడి పోతున్నారని చెప్పారు. ప్రపంచీకరణ సాంకేతికతతో కులవృత్తులు అంతరించి పోతున్నాయని ఆవేదన వ్యక్తం చేశారు. బీ సీ లలో ఇంకా చాలా కులాలకు రాజకీయంగా అవకాశాలు రాలేదని, ఉద్యోగాలలో అవకాశాలు రాలేదని తెలిపారు. జనాభాకు అనుగుణంగా అన్నిరంగాలలో సమాన అవకాశాలు కల్పించాలని డిమాండ్ చేశారు. ప్రభుత్వానికి వాస్తవ నివేదికను ఇచ్చి చేతి వృత్తులు, వెనకబడిన తరగతుల అభ్యున్నతికి బీ సీ కమిషన్ ఛైర్మెన్, సభ్యులు పాటుపడాలని కోరారు. సమాచార హక్కు పరిరక్షణ సమితి, ఎలక్షన్ వాచ్ కమిటీ ఆధ్వర్యంలో బీ సీ కమిషన్ కు నివేదిక అందచేశారు. ఈ కార్యక్రమంలో మెట్టు మధు, మేఖల శ్రీహరి, పిట్టల శంకర్, తాళ్ళ నిరంజన్, ఎస్ కె హుస్సేన్, ఎన్.రాజేంద్రప్రసాద్ తదితరులు పాల్గొన్నారు.
