ఈతరం భారతం ఆరోగ్యాంశం:
అత్యవసర సమయంలో ప్రైవేట్ ఆసుపత్రులకు వెళ్ళినప్పుడు భారీగా బిల్లులు వేయడం, ఆ బిల్లు కట్టలేదని రోగిని డిశ్చార్జ్ చేయకుండా ఆపేయడం లేదా మరణించిన వారి మృతదేహాన్ని ఇవ్వడానికి నిరాకరించడం వంటి సంఘటనలు మనం చూస్తుంటాం. దీనిపై చట్టం చాలా కఠినంగా ఉంది.
✅ వాస్తవాలు :
• హైకోర్టు & సుప్రీంకోర్టు తీర్పులు: బిల్లు చెల్లించలేదనే సాకుతో మృతదేహాన్ని ఆసుపత్రిలో బంధించడం చట్టవిరుద్ధం. అది రాజ్యాంగంలోని ఆర్టికల్ 21 (జీవించే హక్కు/గౌరవప్రదమైన మరణం) ను ఉల్లంఘించడమే.
• క్లినికల్ ఎస్టాబ్లిష్మెంట్ యాక్ట్ : ఈ చట్టం ప్రకారం ఏ రోగిని కూడా వారి ఇష్టానికి వ్యతిరేకంగా ఆసుపత్రిలో బంధించకూడదు.
✅ రోగులు మరియు వారి కుటుంబ సభ్యుల హక్కులు:
1. మృతదేహాన్ని ఆపకూడదు: బిల్లు బాకీ ఉన్నప్పటికీ, ఆసుపత్రి మృతదేహాన్ని కుటుంబ సభ్యులకు అప్పగించాల్సిందే. బకాయిల కోసం వారు సివిల్ కోర్టులో కేసు వేసుకోవాలి తప్ప, శవాన్ని తాకట్టు పెట్టుకోకూడదు.
2. డిశ్చార్జ్ హక్కు: రోగిని డిశ్చార్జ్ చేయమని కుటుంబ సభ్యులు కోరినప్పుడు, బిల్లు పేరుతో వారిని బంధించకూడదు.
3. బిల్లు వివరాలు: ప్రతి పైసాకు ఆసుపత్రి ఐటమ్-వైజ్
రసీదు ఇవ్వాలి.
4. పార్థివ దేహానికి గౌరవం: మరణించిన వ్యక్తి శరీరానికి తగిన గౌరవం ఇవ్వడం ఆసుపత్రి బాధ్యత.
