ఈతరం భారతం/హైదరాబాద్ /నవంబర్ `10
జూబ్లీహిల్స్ ఉప ఎన్నికల్లో కాంగ్రెస్ పార్టీ అభ్యర్థి వి. నవీన్ యాదవ్ గారి విజయం, జూబ్లీహిల్స్ మరియు హైదరాబాద్ రెండింటి సమగ్ర, సమానాభివృద్ధికి కొత్త దశను ఆరంభిస్తుంది అని జవహర్ బాల్ మంచ్- చైర్మన్ మామిడి రిషికేష్ రెడ్డి ఒక ప్రకటనలో పేర్కొన్నారు.దీనిని కాంగ్రెస్ పార్టీ ధృడం గా నమ్ముతుందన్నారు. ముఖ్యమంత్రి రేవంత్ రెడ్డి నాయకత్వంలో, కాంగ్రెస్ ప్రభుత్వ సంక్షేమ పథకాలు ప్రతి ఇంటికి చేరుతాయి.యువ, చురుకైన నాయకుడైన నవీన్ యాదవ్ యువత ఆకాంక్షలకు ప్రతినిధిగా నిలుస్తూ, ఆధునిక తరం ఎదుర్కొంటున్న సమస్యలను పరిష్కరించేందుకు కట్టుబడి ఉన్నారు. ఆయన అభ్యర్థిత్వం ద్వారా కాంగ్రెస్ పార్టీ సామాజిక న్యాయానికి కట్టుబడి ఉందని, అలాగే బీసీ వర్గాలకు 42 శాతం రిజర్వేషన్ ఇచ్చిన విషయాన్ని మరోసారి నిరూపించిందన్నారు.సమాజ సేవ పట్ల నవీన్ యాదవ్ గారి కృషి, ఆయన నిరంతర సేవా కార్యక్రమాలు మరియు దాతృత్వం ఆయనను ఇతర అభ్యర్ధుల కంటే ప్రత్యేకంగా నిలబెడతాయి.ముఖ్యమంత్రి రేవంత్ రెడ్డి దూరదృష్టి నాయకత్వంలో కాంగ్రెస్ పార్టీ ఈ ఉప ఎన్నికలో విజయంపై పూర్తి నమ్మకం కలిగి ఉంది. ఈ విజయం పార్టీకి మరింత ఉత్సాహాన్ని, ప్రజల ప్రభుత్వానికి కొత్త శక్తిని అందిస్తుందని పేర్కొన్నారు.జూబ్లీహిల్స్ ప్రజలందరూ కాంగ్రెస్ పార్టీకి మద్దతు తెలుపి, సమగ్ర మరియు సమానాభివృద్ధి పయనంలో భాగస్వాములు కావాలని విజ్ఞప్తి చేసారు.
