హైదరాబాద్, ఆగస్ట్ 2 (ఈతరం భారతం) దేశంలోని ప్రముఖ మహిళల వ్యాపార సంస్థ ఎఫ్ఎల్ఓ ఆధ్వర్యంలో మొట్టమొదటి ఎఫ్ఎల్ఓ జాబ్ ఫెయిర్ హైదరాబాద్లోని అవినాష్ కాలేజ్ ఆఫ్ కామర్స్, సికింద్రాబాద్ లో శనివారం ప్రారంభమైంది. ఈ కార్యక్రమాన్ని హైదరాబాద్ కలెక్టర్ హరి చందన దాసరి, ఎఫ్ఎల్ఓ మాజీ జాతీయ అధ్యక్షురాలు పింకీ రెడ్డి సంయుక్తంగా ప్రారంభించారు. ఎఫ్ఎల్ఓ జాతీయ వైస్ చైర్పర్సన్ కామిని సరాఫ్ కూడా ఈ ప్రారంభోత్సవానికి హాజరయ్యారు.ఇది ఎఫ్ఎల్ఓ చరిత్రలోనే ప్రథమ జాతీయ స్థాయి జాబ్ ఫెయిర్గా నిలిచింది. దీని ద్వారా దేశవ్యాప్తంగా మహిళలకు, యువతకు నేరుగా ఉద్యోగ అవకాశాలు మరియు స్కిల్లింగ్ అవకాశాలు లభించేలా చేస్తోంది. దీన్ని తెలంగాణ డిజిటల్ ఎంప్లాయ్మెంట్ ఎక్స్ఛేంజ్ మద్దతుతో నిర్వహించారు.HDFC బ్యాంక్, PayTM, Just Dial, Granules, Creamstone, Radha TMT, VisionTek, Dr. Rao’s ENT, Insurance Saathi, Polmon లాంటి ప్రముఖ 35 కంపెనీలు ఇందులో పాల్గొన్నాయి. అకౌంట్స్, సేల్స్, డిజిటల్ మార్కెటింగ్, మైక్రోబయాలజీ, అడ్మిన్, డిజైన్ వంటి విభాగాల్లో ఉద్యోగాలు అందుబాటులో ఉన్నాయి. మొత్తం 1,200 మంది ఉద్యోగార్ధులు హాజరయ్యారు.ఈ సందర్భంగా హరి చందన దాసరి మాట్లాడుతూ “FLO చేసిన ఈ ప్రయత్నం ఎంతో ప్రశంసనీయమైనది. యువత, ముఖ్యంగా మహిళలకు నేరుగా ఉద్యోగ అవకాశాలను కల్పించడం ద్వారా తెలంగాణలోని ఉపాధి వ్యవస్థను బలోపేతం చేస్తున్నాయి.”“నల్గొండలో ఇదే తరహా కార్యక్రమం చేసినప్పుడు 40 పోస్టులకు 10,000 మంది వచ్చారు. ఈ గ్యాప్ను తగ్గించాల్సిన అవసరం ఉంది. ఇది ఉద్యోగులు మరియు ఉద్యోగదారుల మధ్య మ్యాచ్ మేకింగ్ – సమయోచిత ఆవశ్యకత,” అని ఆమె పేర్కొన్నారు.“ఉద్యోగులను నిలబెట్టుకోవాలంటే, సంస్థలు వారికి తామే ఈ సంస్థకు యజమానులమనే భావన కలిగించే వాతావరణాన్ని కల్పించాలి,” అన్నారు. అలాగే, తెలంగాణ ప్రభుత్వం 65 ప్రభుత్వ ఐటీఐలను అడ్వాన్స్డ్ టెక్నాలజీ సెంటర్లుగా మార్చేందుకు ప్రణాళికలు వేస్తోందని పేర్కొన్నారు.పింకీ రెడ్డి, FLO మాజీ జాతీయ అధ్యక్షురాలు మాట్లాడుతూ: “FLO 43 ఏళ్ల ప్రయాణంలో ఇది ఒక మైలురాయి. ఉద్యోగ అవసరాలు మరియు ఆశయాలను సమన్వయం చేస్తూ దేశవ్యాప్తంగా విస్తరించే స్థిరమైన వేదికను సృష్టించగలిగాం.”FLO హైదరాబాద్ ఛైర్పర్సన్ ప్రతిభా కుందా మాట్లాడుతూ: “హైదరాబాద్లో ఈ జాతీయ ఉద్యమాన్ని ప్రారంభించడం గర్వకారణం. ఇది మొదటివిడత మాత్రమే.”DEET డైరెక్టర్ జె. రాజేశ్వర్ రెడ్డి ఇప్పటివరకు 90,000 మంది ఉద్యోగార్ధులు, 1500 కంపెనీలు DEET పోర్టల్లో నమోదు అయ్యారు 2500 ఉద్యోగ నోటిఫికేషన్లు విడుదలయ్యాయి ప్రస్తుతం 10,000 ఖాళీలు అందుబాటులో ఉన్నాయి5 సంవత్సరాలలో 20 లక్షల మంది ఉద్యోగార్ధులు, 10,000 కంపెనీలు, 2500 సంస్థలు మరియు లక్ష స్కిల్ అప్గ్రేడేషన్లు లక్ష్యంగా పెట్టుకున్నామని తెలిపారు అన్నారు
