ఈతరం భారతం న్యూఢిల్లీ సెప్టెంబర్ 24
________________________________
రాజధానిలో మహిళలు , ట్రాన్స్జెండర్ వ్యక్తులకు సురక్షితమైన, పరిశుభ్రమైన మరియు గౌరవప్రదమైన ఉపాధి అవకాశాలను కల్పించే లక్ష్యంతో రూపొందించిన ‘దుర్గా’ పథకానికి ఢిల్లీ ప్రభుత్వం ఆమోదం తెలిపింది. ఈ రోజు న్యూఢిల్లీలో ముఖ్యమంత్రి రేఖా గుప్తా అధ్యక్షతన జరిగిన మంత్రివర్గ సమావేశంలో ఈ నిర్ణయం తీసుకున్నారు. ఈ పథకం కింద, మొదటి దశలో 1,300 పింక్ ఎలక్ట్రిక్ ఆటోలను కేటాయించనున్నారు. వీటిలో 1,170 మహిళలకు, 130 ట్రాన్స్జెండర్ లబ్ధిదారులకు రిజర్వ్ చేశారు.
ఈ పథకం తో మహిళలు, ట్రాన్స్జెండర్ వ్యక్తులు ఎలక్ట్రిక్ ఆటోలకు యజమానులుగా, డ్రైవర్లుగా మారే అవకాశం లభిస్తుందని ముఖ్యమంత్రి అన్నారు. ప్రతి రెవెన్యూ జిల్లాలో మహిళలకు గరిష్టంగా 90 ఎలక్ట్రిక్ ఆటోలు, ట్రాన్స్జెండర్ లబ్ధిదారులకు 10 వరకు ఎలక్ట్రిక్ ఆటోలు కేటాయించనున్నట్లు ఆమె తెలిపారు. ఢిల్లీని మరింత సురక్షితమైన, పచ్చని, సమ్మిళిత నగరంగా మార్చే దిశగా ఈ పథకం ఒక ముందడుగు అని శ్రీమతి గుప్తా చెప్పారు.
.
