అసంతృప్తులు బయటకు వెళ్లకుండా నియంత్రించేందుకు కేసీఆర్ వ్యూహాత్మకంగా వ్యవహరిస్తున్నారని అనుమానాలు వ్యక్తమవుతున్నాయి. ఎందుకంటే కొందరు ఎమ్మెల్యేలపై ప్రతికూల రిపోర్టులు కూడా ఉండడంతో వారిని మార్చేఅవకాశం ఉందని విశ్లేషిస్తున్నారు. కాగా 51 బీఫామ్స్ సిద్ధమయ్యాయని చెప్పగా అవి ఎవరెవరికీ దక్కాయనేది ఆసక్తికరంగా మారింది. కాగా బీఫామ్స్ వస్తాయని అభ్యర్థులు అందరూ సమావేశానికి వచ్చారు. కానీ బీఫామ్స్ దక్కనివారిలో తీవ్ర ఆందోళన నెలకొన్నట్టు తెలుస్తోంది.
ఈ అనుమానాలకు కొన్ని కారణాలు బలాన్ని చేకూర్చుతున్నాయి. కొందరు అభ్యర్థుల విషయంలో పార్టీలోనే అసంతృప్తులు ఉండడం, కొందరు అభ్యర్థులపై నిర్వహించిన సర్వేలో ప్రతికూల ఫలితాలు రావడం ప్రధాన కారణాలుగా ఉన్నాయి. మరోవైపు విపక్షాల అభ్యర్థులు కూడా ఇంకా ఖరారు కాని నేపథ్యంలో 51 బీఫామ్సే రెడీ అయ్యాననడం ఉత్కంఠగా మారింది. రెండు రోజుల్లోనే అందరికీ బీఫామ్స్ ఇస్తామని చెప్పినప్పటికీ ఏం జరగబోతోందనేది ఆసక్తికరంగా మారింది.
