ఈతరం భారతం హైదరాబాద్, ఏప్రిల్ 12:
బౌల్డర్ హిల్స్ గోల్ఫ్ అండ్ కంట్రీ క్లబ్, డిపి వరల్డ్ పిజిటిఐ సంయుక్త ఆధ్వర్యంలో తొలిసారిగా నిర్వహించనున్న బౌల్డర్స్ క్లాసిక్ టోర్నమెంట్ ఏప్రిల్ 14 నుంచి 17వ తేదీ వరకు హైదరాబాద్లోని బౌల్డర్ హిల్స్ గోల్ఫ్ అండ్ కంట్రీ క్లబ్లో జరగనుంది. రూ. 1 కోటి ప్రైజ్ మనీతో జరగనున్న ఈ ప్రతిష్ఠాత్మక టోర్నమెంట్లో భారత్తో పాటు వివిధ దేశాలకు చెందిన 132 మంది ప్రొఫెషనల్ గోల్ఫర్లు పాల్గొననున్నారు.
టోర్నమెంట్ షెడ్యూల్
ఏప్రిల్ 12 (ఆదివారం): ప్రొ-యామ్ ఈవెంట్ (ప్రొఫెషనల్స్, అమెట్యూర్స్ కలిసి ఆడుతారు ),
ఏప్రిల్ 13 (సోమవారం): ప్రొఫెషనల్స్ ప్రాక్టీస్ రౌండ్
ఏప్రిల్ 14–17 (మంగళ–శుక్రవారాలు): మెయిన్ టోర్నమెంట్
ఏప్రిల్ 17 (శుక్రవారం): బహుమతి ప్రధానం
పీజీటీఐ తన అంబ్రెల్లా పార్టనర్ అయిన ప్రపంచ లాజిస్టిక్స్ దిగ్గజం డీపీ వరల్డ్కు —— అలాగే భారతదేశంలో ప్రొఫెషనల్ గోల్ఫ్ వృద్ధికి, ప్రచారానికి కృషి చేస్తున్న టూర్ పార్టనర్లు యాక్సిస్ బ్యాంక్, అమూల్, అమృతాంజన్ ఎనర్లైట్, కాంపా, కళ్యాణి, గోల్ఫ్ ప్లస్ మంత్లీ, గోల్ఫ్ డిజైన్ ఇండియాలకు కృతజ్ఞతలు తెలిపింది.
ఈ టోర్నమెంట్కు వెన్యూ పార్టనర్లు బౌల్డర్ హిల్స్ గోల్ఫ్ & కంట్రీ క్లబ్, టి గోల్ఫ్ ఫౌండేషన్, అసోసియేట్ పార్టనర్ కాసాగ్రాండ్, హాస్పిటాలిటీ పార్టనర్లు నొవొటెల్,హెచ్ఐ సీసీ , అలాగే ఎఫ్ &బి పార్టనర్లు ఫ్యూజన్ 9, ఆర్టిస్ట్రీ సహకారం అందిస్తున్నాయి.
భారతదేశపు అంతర్జాతీయ గోల్ఫ్ తారలు శుభంకర్ శర్మ (రెండుసార్లు డీపీ వరల్డ్ టోర్ విజేత), యువరాజ్ సంధు (డీపీ వరల్డ్ టోర్ రెగ్యులర్, 2025 డీపీ వరల్డ్ పీజీటీఐ ఆర్డర్ ఆఫ్ మెరిట్ చాంపియన్) ఈ టోర్నమెంట్కు ప్రధాన ఆకర్షణగా నిలుస్తున్నారు. ఈ టోర్నమెంట్ లో పాల్గొంటున్న ప్రముఖ భారతీయ గోల్ఫర్లలో 2026 డీపీ వరల్డ్ పీజీటీఐ ఆర్డర్ ఆఫ్ మెరిట్ లీడర్ సప్తక్ తల్వార్, వీర్ అహ్లావత్, ఓం ప్రకాష్ చౌహాన్, మను గాండస్, హనీ బైసోయా అజీతేశ్ సంధు తదితరులు ఉన్నారు.
ఈ ఈవెంట్లో అగ్రశ్రేణి విదేశీ క్రీడాకారుడు శ్రీలంకకు చెందిన ఎన్. తంగరాజాతో పాటు మొత్తం 10 దేశాలకుచెందిన 20 మంది విదేశీ క్రీడాకారులు పాల్గొంటున్నారు.
హైదరాబాద్ కు చెందిన ప్రొఫెషనల్స్ మొహమ్మద్ అజ్హర్, విశేష్ శర్మ, సయ్యద్ సఫ్దర్ హుస్సేన్, ఎస్ఎన్ఎల్జి వరం రాజు, సుమిత్ కొట్వాల్, అనిరుధ్ కామిరెడ్డిపల్లి పోటీ పడనున్నారు .
డీపీ వరల్డ్ పీజీటీఐ క్రీడాకారులను స్వాగతిస్తూ, టి గోల్ఫ్ అలయన్స్ అధ్యక్షుడు & సీఈఓ, బౌల్డర్ హిల్స్ గోల్ఫ్ & కంట్రీ క్లబ్ ఓ &ఎం పార్టనర్ డా. ఎన్ఆర్ఎన్ రెడ్డి మాట్లాడుతూ — “పీజీటీఐ బౌల్డర్స్ క్లాసిక్ 2026కు వేదికగా నిలవడం మాకెంతో సంతోషంగా ఉంది. దేశంలోని అత్యుత్తమ ప్రొఫెషనల్ గోల్ఫర్లందరినీ ఒకే వేదికపై చూడటం అద్భుతంగా ఉంది. బౌల్డర్ హిల్స్లో మేము నిరంతరం ప్రపంచస్థాయి గోల్ఫింగ్ వాతావరణాన్ని నిర్మించడంపై దృష్టి సారించాము. ఈ ఈవెంట్ మా నిబద్ధతకు నిదర్శనం. ఇలాంటి టోర్నమెంట్లు పోటీ శ్రేష్ఠతను పెంపొందించడమే కాకుండా హైదరాబాద్ను భారతదేశంలో ప్రొఫెషనల్ గోల్ఫ్కు ముఖ్య కేంద్రంగా నిలబెడతాయని విశ్వసిస్తున్నాను” అన్నారు.
ప్రపంచస్థాయి 18-హోల్ చాంపియన్షిప్ కోర్సు, అద్భుతమైన లేఅవుట్కు పేరుగాంచిన బౌల్డర్ హిల్స్ గోల్ఫ్ & కంట్రీ క్లబ్, జాతీయ,అంతర్జాతీయ గోల్ఫింగ్ ఈవెంట్లకు అగ్రశ్రేణి గమ్యస్థానంగా తన స్థానాన్ని మరింత పదిలం చేసుకుంటోంది. పీజీటీఐ బౌల్డర్స్ క్లాసిక్ నిర్వహణ భారతదేశ గోల్ఫింగ్ వ్యవస్థలో హైదరాబాద్ కు పెరుగుతున్న ప్రాధాన్యతను తెలియజేస్తోంది .
ఈ ఈవెంట్ నిర్వహణ పట్ల హర్షం వ్యక్తం చేస్తూ ఏమార్ ప్రాపర్టీస్ హైదరాబాద్ సిఎఫ్ఓ & బిజినెస్ హెడ్ శ్రీ మధుసూదన్ రావు మాట్లాడుతూ “బౌల్డర్ హిల్స్లో ఇంత ప్రతిష్ఠాత్మకమైన పీజీటీఐ ఈవెంట్ జరగడం ఏమార్ కు గర్వకారణం. ఇక్కడి కోర్సు, మౌలిక సదుపాయాలతో పాటు మొత్తం వాతావరణం ఈ స్థాయి ప్రొఫెషనల్ టోర్నమెంట్లకు అత్యుత్తమ వేదికగా నిలుస్తున్నాయి. పీజీటీఐ బౌల్డర్స్ క్లాసిక్ 2026 క్రీడాకారులకు, పార్టనర్లకు, గోల్ఫ్ అభిమానులందరికీ అసాధారణమైన అనుభవాన్ని అందిస్తుందని మాకు పూర్తి విశ్వాసముంది” అన్నారు.
పీజీటీఐ అధ్యక్షుడు శ్రీ కపిల్ దేవ్ మాట్లాడుతూ “తొలిసారిగా నిర్వహించనున్న బౌల్డర్స్ క్లాసిక్, డీపీ వరల్డ్ పీజీటీఐ క్యాలెండర్కు ఒక మైలురాయి వంటిది . బౌల్డర్ హిల్స్ గోల్ఫ్ & కంట్రీ క్లబ్కు తొలిసారిగా ప్రొఫెషనల్ టోర్నమెంట్ను తీసుకురావడం కొత్త వెన్యూలను అన్వేషించడం ద్వారా మన ప్రొఫెషనల్ గోల్ఫర్లకు మరిన్ని అవకాశాలు కల్పించాలన్న మా లక్ష్యానికి అనుగుణంగా ఉంది. విలక్షణమైన లేఅవుట్, ప్రపంచస్థాయి సౌకర్యాలతో కూడిన ఈ వెన్యూ , మన క్రీడాకారులకు శక్తివంతమైన పరీక్ష పెట్టడంతో పాటు అభిమానులకు ఆసక్తికరమైన అనుభవాన్ని అందిస్తుందని ఆశిస్తున్నాము. ఈవెంట్కు సహకారం అందించిన బౌల్డర్ హిల్స్కు, ఇతర ఈవెంట్ పార్టనర్లకు మా హృదయపూర్వక ధన్యవాదాలు తెలియజేస్తున్నాము” అని అన్నారు.
పీజీటీఐ సీఈఓ శ్రీ అమన్దీప్ జోహ్ల్ మాట్లాడుతూ “అద్భుతమైన బౌల్డర్ హిల్స్ గోల్ఫ్ & కంట్రీ క్లబ్లో బౌల్డర్స్ క్లాసిక్ 2026ను ప్రారంభించడానికి మేము సంతోషిస్తున్నాము. ఈ వేన్యూ ఈ సీజన్ డీపీ వరల్డ్ పీజీటీఐ షెడ్యూల్లో తొలిసారిగా స్థానం పొందింది. ప్రపంచస్థాయి గమ్యస్థానాలకు టోర్నమెంట్లు తీసుకురావడం ద్వారా భారతదేశంలో ప్రొఫెషనల్ గోల్ఫ్ విస్తరించాలన్న మా నిరంతర నిబద్ధతను ఈ భాగస్వామ్యం ప్రతిబింబిస్తోంది. బౌల్డర్ హిల్స్ క్రీడాకారులకు సవాలుగా నిలవడమే కాక అద్భుతంగా ఉన్న లేఅవుట్తో దృశ్యమానంగా ఉంది . ఇది మన క్రీడాకారుల నైపుణ్యాన్ని పరీక్షిస్తుందని, అభిమానులకు, పాల్గొనేవారికి చిరస్మరణీయమైన అనుభవాన్ని అందిస్తుందని నమ్ముతున్నాం. ఈ అత్యుత్తమ కొత్త వేన్యూలో ఈవెంట్ను నిర్వహించడంలో సహకరించిన బౌల్డర్ హిల్స్ గోల్ఫ్ & కంట్రీ క్లబ్కు మేము కృతజ్ఞులం. రాబోయే వారం అత్యుత్తమ స్థాయి గోల్ఫ్ కోసం వేచి చూస్తున్నాం” అన్నారు.
కాసాగ్రాండ్ జోనల్ హెడ్ మార్కెటింగ్ శ్రీ హరీష్ ముత్యాలచెట్టి మీడియాతో మాట్లాడుతూ”కాసాగ్రాండ్లో మేము ఎప్పుడూ శ్రేష్ఠమైన డిజైన్ , నాణ్యత , కస్టమర్-ఫస్ట్ ఆలోచనతో ఆకాంక్షాత్మకమైన జీవన అనుభవాలను సృష్టించాలని కృషి చేస్తాం. బౌల్డర్ క్లాసిక్లో పీజీటీఐతో మా అనుబంధం ఈ తత్వానికి సహజమైన విస్తరణ. గోల్ఫ్లోని నిర్దిష్టత, క్రమశిక్షణ, విచక్షణాయుత వర్గం కోసం మేము రూపొందించే సంస్కారవంతమైన, ఆలోచనాపూర్వకమైన నివాసాలను సృష్టించాలన్న మా నిబద్ధతను ప్రతిబింబిస్తాయి” అన్నారు.
